లోకోత్తరులఁగని లోకంపునుపమల
లోకువఁగట్టగా లొసుగు గాదె?నాకమ్ము తెలియని ననుఁ బోలు వారని
నతులుంచి కూర్చుండ నయముగాదె?
పాకానఁ బడినట్టి పాండిత్యవిద్యను
పరిణతిఁగోరగా పాడిగాదె?
శ్రీకారములఁ జుట్టి చిరునడల నరుగు
జిజ్ఞాసనుండగా శివముఁగాదె?
ప్రశ్న నుత్తరములు లోన ప్రభవమంద
సంశయాత్మక చర్చల సాగుచుంటి
నమితమైనట్టి యాకాంక్షలందలేక
అలసి యుంటి నిట్లు సొలసి యుంటి.
కామెంట్లు లేవు:
కామెంట్ను పోస్ట్ చేయండి