కంటికి కనిపించని యుద్ధాలెన్నో ఒక్కొక్కరికీ తనదైన చిన్ని ప్రపంచంలో
చికిత్సకు నయం కాని గాయాలెన్నో తనదైన మనో లోకంలో
దినసరి సమస్యలే ఊతంగా నిలువగలిగే చింతల సుడిగాలులెన్నో బతుకుబాటలో
ప్రతిష్ఠల ఆనకట్టలు ఆపే వరదలెన్నో శోకవాహినీగతులలో
మాటలు వివరించలేని ఆనందాలెన్నో ఒక్కొక్కరికీ తనదైన చిన్ని ప్రపంచంలో
చికిత్సే లేకుండా నయమైన గాయాలెన్నో తనదైన మరో లోకంలో
ఆశించకుండానే వరించే చనవుల మందమారుతాలెన్నో జీవనపథంలో
సిరినగవుల తళుకు పొదిగిన కంటి చెమ్మలెన్నో హర్షాతిరేకాల సుస్వర శ్రుతులలో
'మెరుపు చెంగటనున్న మేఘమ్ము'కన్నా అందానందాలు కలిగినది - సిరినవ్వుతో కూడిన కంటిచెమ్మ. కాదా!!
కామెంట్లు లేవు:
కామెంట్ను పోస్ట్ చేయండి